Diploma Program sa Pangangalaga sa mga Bata at Kabataan

Sa asignaturang ito, matututuhan ng mga estudyante ang iba't ibang propesyonal na kakayahang kailangan ng mga nagsisimulang Child and Youth Care professional. Nagbibigay ang asignatura ng panimulang kaalaman tungkol sa proteksyon ng mga bata at kabataan at sa batas sa Canada, kabilang ang Tungkuling Mag-ulat (Duty to Report), Child, Youth and Family Services Act at Youth Criminal Justice Act. Susuriin din sa asignaturang ito ang papel ng Child & Youth Care Worker sa iba't ibang kapaligiran at sitwasyon.      

Saklaw ng asignaturang ito ang masusing pag-aaral sa pag-unlad ng tao mula pagsilang hanggang pagdadalaga o pagbibinata. Tatalakayin dito ang mga proseso at mahahalagang yugto ng pag-unlad, lalo na sa asal, pag-iisip at pakikisalamuha, at damdamin.

Sinusuri ng asignaturang ito ang mga karaniwang karamdaman sa kalusugang pangkaisipan sa pagkabata, pagdadalaga/pagbibinata, at maagang pagtanda bilang bahagi ng tuloy-tuloy na proseso ng pag-unlad. Sinusuri rin nito ang mga pananaw ng lipunan tungkol sa abnormal na pag-uugali at ang etikal na paggamit ng mga termino at katawagan sa kalusugang pangkaisipan.  

Sinusuri sa asignaturang ito ang mga partikular na sakit sa kalusugang pangkaisipan sa pagkabata, pagdadalaga/pagbibinata at maagang pagtanda, bilang bahagi ng tuloy-tuloy na proseso ng pag-unlad. Tatalakayin din ang mga diagnosis, sintomas, paggamot at estratehiya sa pag-uugali na may kaugnayan sa bawat sakit sa kalusugang pangkaisipan at sa gawain ng isang CYC practitioner.

Nagbibigay ang asignaturang ito ng sunod-sunod na gabay sa proseso ng case management na partikular para sa mga bata at kabataan, mula sa pagtanggap at pagtatasa hanggang sa mga referral at pagtatapos ng serbisyo. Tatalakayin din ang kasalukuyang mga kalakaran at konsiderasyon sa pagsasagawa, mga legal na usapin, etika at mga usaping etikal. Bibigyang-pansin din ng mga mag-aaral ang kahalagahan ng pagpapanatili ng tumpak na impormasyon ng kliyente at pakikipagtulungan sa iba pang tagapagbigay ng serbisyo.

Sinusuri ng paksang ito ang batayan para matuklasan ng mga propesyonal ang sarili nilang mga gabay sa pagtulong, sa loob ng malawak na hangganang itinakda ng mga propesyonal na kodigo ng etika at magkakaibang teoretikal na pananaw. Kabilang sa pagpapaunlad ng mga kasanayan sa mapanuring pag-iisip kapag humaharap sa mga usaping etikal ang paggamit ng pananaw laban sa pang-aapi sa kanilang pagsasagawa.

Itinuturo sa paksang ito ang mga kinakailangang kasanayan sa paglikha at pagpapanatili ng tumpak, napapanahon, komprehensibo at propesyonal na dokumentasyon at mga rekord ng kliyente na nakatutugon sa legal na pagsusuri. 

Sa asignaturang ito, matututuhan ng mga estudyante ang task model na nagbibigay ng sistematikong paraan sa pagharap sa mga taong nasa krisis: Pagtukoy sa Problema, Pagtitiyak sa Kaligtasan ng Kliyente, Pagbibigay ng Suporta, Pagsusuri sa mga Alternatibo, Pagbuo ng mga Plano, at Pagkuha ng Pangako.

Sinusuri ng paksang ito ang krimen ng kabataan sa konteksto ng lipunan at tinutukoy ang mga salik na nagiging dahilan upang malabag ng mga kabataan ang batas. Tatalakayin dito ang mga paksa gaya ng pangangasiwa ng pulisya sa mga kabataan, habang binibigyang-pansin ang mga bago at binagong batas, gaya ng Canadian Victims Bill of Rights, Safe Streets and Communities Act, Child, Youth and Family Services Act at Youth Criminal Justice Act..

Ipinapakita ng paksang ito kung paano inuunawa ng mga batang nakaranas ng trauma ang mundong nakapaligid sa kanila, kung paano sila nakikisalamuha sa iba, kung paano nakikita sa kanilang pag-uugali ang mga suliranin nila, at kung anu-ano pang patuloy na hamong kinakaharap nila kaugnay ng pagkabalisa, mga trigger ng trauma, mga isyu sa kalusugang pangkaisipan, at mga relasyon.

Saklaw ng asignaturang ito ang mga kasanayan sa pakikipanayam sa mga propesyong tumutulong sa kapwa. Kabilang dito ang mga pangunahing teorya at kasanayang kailangan para sa epektibong pakikipanayam, gaya ng kapaki-pakinabang na paglilinaw at mga saloobing may kinalaman sa kakayahang makipag-ugnayan sa iba’t ibang kultura at pagtatakda ng mga hangganan, gayundin ang epektibong mga kasanayan sa komunikasyon, kabilang ang pagtukoy sa mga tugon, pakikinig at pagsagot, pagtatanong, at pagharap sa mahihirap na isyu.

Tinatalakay ang mga pangunahing elemento ng counseling at ang paglinang ng mga kasanayan sa pakikipag-ugnayan sa sarili at sa iba. Bibigyang-diin ang teorya at mga praktikal na kasanayang kailangan upang tumugon sa mga bata at kabataan sa paraang therapeutic, mapag-aruga, makabuluhan, at sensitibo sa kultura.

Tinatalakay sa asignaturang ito ang paglipat mula sa Child and Youth Care na nakatuon sa kliyente tungo sa pagsasama sa mga pangangailangan ng pamilya ng kliyente. Nakatuon ito sa mga estratehiyang ginagamit kasama ng bata at ng kanyang pamilya sa loob ng konteksto ng kanilang tahanan, gayundin sa mas malawak na panlipunan, pang-ekonomiya, pangkultura, at pangkomunidad na kapaligiran. Susuriin ang mga interbensyon/estratehiya gamit ang paraang nakabatay sa mga kalakasan. Ipakikilala sa mga mag-aaral ang iba’t ibang paksang kabilang sa asignaturang ito.

Sa asignaturang ito, matututuhan ng mga mag-aaral ang iba’t ibang kasanayang kailangan upang makabuo ng mabisang ugnayang pantulong kapag nakikipagtrabaho sa mga batang at kabataang nanganganib. Kabilang sa mga matututuhan nila ang paggamit ng pamamaraang nakabatay sa mga kalakasan, mga gawaing angkop sa yugto ng pag-unlad, pag-unawa sa paglalaro at pag-uugali, at teorya ng attachment.

Tinatalakay sa asignaturang ito ang adbokasiya, mga umiiral na batas para sa proteksiyon; hustisya para sa kabataan; mga karapatan ng mga bata; mga karapatan ng mga batang nasa pangangalaga; mga batas na namamahala sa Kalusugang Pangkaisipan ng mga Bata; mga batas na namamahala sa Education Act; at iba pang mga kasalukuyang usaping gumagabay sa propesyon ng CYC.

Mga kasangkapan sa pangangalaga sa sarili para sa pagtataguyod ng kalusugan na makatutulong sa posibleng pagka-burnout, pagkapagod dahil sa pakikiramay, at/o di-tuwirang trauma. Tatalakayin at susuriin ang mga kasangkapan, ehersisyo at estratehiya.

Nagbibigay ang proyektong ito ng pagkakataong mailapat ang natutuhan sa isang virtual na case study na gagabay sa kanila sa proseso ng CYC.